Dig(n)ital Suite-ը միավորում է ավանդաբար մասնատված գործիքները՝ գրանցման համակարգերը, էլեկտրոնային աղյուսակները, վճարումների հսկումը, մոնիթորինգի ձևաթղթերն ու վահանակներըշ՝ դրանք բերելով մեկ միասնական, ինտեգրված միջավայր։ Այն աջակցում է դրամական օգնության և ապրուստի միջոցների ապահովման ծրագրերին՝ միևնույն ժամանակ մնալով բավականաչափ ճկուն՝ հումանիտար այլ ձևաչափերի համար հարմարեցվելու համար։

Dig(n)ital Suite-ի հիմքում ընկած են ավտոմատացումը, անցանց՝ օֆլայն  ռեժիմով աշխատելու հնարավորությունը և կարգավորումների ճկունությունը, ինչը թույլ է տալիս հումանիտար թիմերին կենտրոնանալ որոշումների կայացման և հաշվետվողականության վրա՝ տվյալների ձեռքով մշակման փոխարեն։

Նախագծման սկզբունքները

Ստեղծված է հումանիտար իրականության համար

Dig(n)ital Suite-ը նախագծված է հատուկ հումանիտար համատեքստերի համար՝ ինտերնետային թույլ թողունակության և անկայուն կապի պայմաններում աշխատելու, կարճ ժամանակահատվածում մեծաքանակ հայտեր ընդունելու, ինչպես նաև հաշվետվողականության, հետագծելիության և աուդիտի խիստ պահանջներին համապատասխանելու համար: Այն նաև հնարավորություն է տալիս արագորեն հարմարեցնել ծրագրային փոփոխությունները, որոնք պայմանավորված են դոնորների պահանջներով կամ տեղում փոփոխվող կարիքներով:

Կառուցվածքային ինտեգրվածություն

Մի քանի արտաքին գործիքներ իրար միացնելու փոխարեն, Dig(n)ital Suite-ն ունի ներքին ինտեգրում։ Գրանցումը, ստուգումը, կրկնօրինակների հեռացումը, գնահատումը, հաստատումը, վճարումների նախապատրաստումը, մոնիտորինգն ու հաշվետվողականությունը գործում են տվյալների միասնական մոդելի հիման վրա։ Այս ինտեգրումը զգալիորեն նվազեցնում է տվյալների մեկուսացումը, ձեռքով արվող արտահանումները, աշխատանքի կրկնողությունը և գործառնական ռիսկերը։

Կարգավորելի և ճկուն կոդավորված

Dig(n)ital Suite-ի հիմնական առավելություններից մեկը դրա կարգավորումների ճկունությունն է: Ծրագրային թիմերը կարող են սահմանել իրենց սեփական աշխատանքային փուլերն ու կարգավիճակները՝ ելնելով ծրագրի կարիքներից, կարգավորել համապատասխանության տրամաբանությունը և ծրագրերի միջև պայմանական հասանելիությունը, նախագծել գնահատման աղյուսակներ ու միավորների հաշվարկման մոդելներ, ինչպես նաև ընտրել, թե տվյալների որ դաշտերն օգտագործվեն հաշվետվությունների և արտածումների համար: Սա թույլ է տալիս նույն հարթակին սպասարկել տարբեր ծրագրեր՝ առանց յուրաքանչյուր դեպքի համար նոր տեխնիկական մշակումների անհրաժեշտության:

Ֆունկցիոնալ հնարավորություններ

Անվտանգություն և հասանելիության վերահսկում

Dig(n)ital Suite-ը նախագծված է տվյալների պաշտպանության և անվտանգության վերահսկման խիստ մեխանիզմներով, որոնք ներառում են դերերի և անհրաժեշտության վրա հիմնված հասանելիության թույլտվություններ, երկփուլային վավերացում, ֆայլերի անվտանգ պահպանում, ինչպես նաև պաշտպանություն brute-force և flood տեսակի հարձակումներից: Այս միջոցները ապահովում են տվյալների պաշտպանության ստանդարտներին և հումանիտար տվյալների պատասխանատու կառավարման սկզբունքներին:

Տեխնիկական հիմքը

Հարթակը կառուցված է Drupal 10 (բաց կոդով), PHP և Symfony հիմքի վրա, օգտագործում է SQL տվյալների պահպանման համակարգ և հենվում է Էստոնիայում գտնվող սերվերային անվտանգ մասնավոր ենթակառուցվածքի վրա: Բաց կոդով, ոչ սեփականատիրական (non-proprietary) տեխնոլոգիաների կիրառումն ապահովում է թափանցիկություն, ճկունություն և երկարաժամկետ կայունություն՝ միաժամանակ հնարավորություն ստեղծելով հետագա համագործակցության և համայնքի կողմից առաջնորդվող զարգացման համար։