Տնտեսական վերականգնում

Ճգնաժամերից տուժած մարդկանց համար անկախությունն ու ինքնաբավությունը վերականգնելու կարևոր ուղիներից մեկը ձեռնարկատիրությունն է։ Մենք աջակցում ենք մարդկանց՝ իրենց միկրոձեռնարկությունները ստեղծելու կամ զարգացնելու գործում՝ նպաստելով նրանց անկախությանն ու երկարաժամկետ կենսապահովմանը։ Օգնելով մշակել ամուր բիզնես պլաններ՝ մենք տրամադրում ենք անհրաժեշտ գիտելիքները, հմտություններն ու ռեսուրսները՝ կայուն բիզնեսներ կառուցելու համար, որոնք կարող են զարգանալ և հաջողել իրենց նոր միջավայրերում։

Եկամուտը վերականգնելու և բնականոն կյանքի վերադառնալու համար ճգնաժամերից տուժած մարդիկ ունեն աջակցության կարիք, որպեսզի կարողանան եկամտի աղբյուր ստեղծեն իրենց համար։ Մեր կենսապահովման ծրագրի միջոցով մենք աջակցում ենք մարդկանց կայուն եկամուտ ստեղծելուն կամ վերականգնելուն՝ տարբեր գյուղատնտեսական գործունեությունների միջոցով, այդ թվում՝ անասնապահություն, բուսաբուծություն, մեղվաբուծություն, սննդի արտադրություն, ինչպես նաև ծառայություններ՝ օրինակ դերձակություն, արհեստներ կամ շինարարություն։

Տեղահանությունից հետո կյանքը նոր միջավայրում վերակառուցելը կարող է լինել մարտահրավերային լինել ։ ՓՀԷԽ-ը աջակցում է ճգնաժամերից տուժած մարդկանց աշխատունակության ծրագրերի միջոցով՝ օգնելով նրանց ձեռք բերել անհրաժեշտ հմտություններն ու ինքնավստահությունը՝ հյուրընկալ համայնքի տեղական աշխատաշուկա մուտք գործելու և իրենց կրթությանը, հմտություններին ու փորձին համապատասխան աշխատանք գտնելու համար։

Կլիմայական փոփոխությունները խորացնում են առկա տնտեսական անհավասարությունները՝ հատկապես ազդելով ամենախոցելի խմբերի վրա։ Մենք խթանում ենք կայուն գյուղատնտեսությունը և փորձով կիսվում համայնքների հետ՝ նպաստելով սննդային անվտանգության բարձրացմանը և աջակցելով տեղահանված մարդկանց ու նրանց հյուրընկալ համայնքներին՝ պատրաստվելու, դիմակայելու և վերականգնվելու կլիմայական մարտահրավերներից։